Rydyn ni i gyd yn gwybod fod arian yn brin ar y funud, a dyw pawb methu fforddio rhoi arian at achosion da (ond i’r rheiny sydd yn medru, rydym dal yn ddiolchgar am eich cyfraniadau – pwyswch yma am fwy o wybodaeth). Dyna pam rydyn ni wedi meddwl am ffordd hawdd i godi arian at Brosiect Mongolia, heb hyd yn oed angen i chi dalu ceiniog o’ch pocedi.
Dyw hi ddim yn gymleth, chwaith. I gyd rydyn ni’n gofyn i chi wneud yw newid eich peiriant chwilio. Yn lle defnyddio Google, Yahoo!, Bing neu rhywbeth tebyg, bydd pob chwiliad a wneir drwy’r ddolen hon yn codi arian at anfon wyth o bobl ifainc i Fongolia yn hwyrach yn y flwyddyn. Cawn rhan o’r incwm o hysbysebion, felly po fwyaf y chwiliadau gwnewch chi, po fwyaf yr arian byddwn yn ennill!
Dewch ymlaen! Gosodwch http://dyfodol.easysearch.org.uk/ yn hafan yn eich porwr we, a dechreuwch chwilio!